Үлэг гүрвэл: Загас идсэн!

Би ер нь царай хардаггүй л дээ гэж сохор хэлэхэд. Би ер нь бие хардаггүй л дээ гэж сүнс нэмэрлэв. Та нар муухай гүехэн юм даа гэж одой шогшорно. Буйдангийн буланд над шиг гүнзгий байлдаа хэмээн горзгор бувтнав. Би хажууд нь дуугай л нэт ухан энэ ч сайхан хүүхэн байна даа гэж эртний хаад шиг голж, шилж суулаа. Гэнэт хаалга дэлбэрч дүлий орж ирээд. Нүдээд байхад үүдээ тайлахад яадаг юм бэ! хэмээн гараараа чарлав. Юу болоод байгааг ойлгоогүй сохор террорист гэж муухай чарлаад цонхоор үсэрчихлээ. Чи ч ёстой гүехэн юм даа гэж одой шогширсоор. Горзгор хаачсан нь мэдэгдэхгүй алга болсон тул сохортой цуг үсэрчихлээ гэж бодон хоёр хүнээр түргэн дуудав. Хөөрхөн сувилагч ирээсэй гэж дотроо бодлоо. Аз болж нэг давхарт байсан ч азгүй болохоор цонхон доор нүх ухчихсан байж. Сохор хөөрхий доголон сохор болох шахжээ. Тоть олж аваад далайн дээрэмчин болох дөхөж. Горзгор харин өндөр юм болохоороо доошоо үсрэхгүй дээшээ авирчхаж. Дээд айлд орчхоод нөхөртэй нь хэрэлдэж зогсдог байгаа. Одой үүнийг мэдчихээ...

Би чамайг мартаж чадна Зүрх сэтгэлээ хуураад Бүхий л дурсамжаа үнийн гүнд булаад мартаж чадна. Чамгүйгээр би аз жаргалтай Хөөр баясал дүүрэн амьдарч чадна Гуниг гутрал бүхнээ хаячихаад Өөдрөгөөр урагшилж алхаж чадна Гэвч би ахиад чамтай таарвал Өөдөөс чинь хараад мэндэлж чадахгүй Дув дуугай зөрж өнгөрөөд Шөнийн турш уйлж хононо. ___________________________________ Songodog 2009.11.25 When We Two Parted by Lord George Gordon Byron Энэ шүлгийг уншаад хэрвээ би байсан бол яах байсан билээ гэж бодоод бичиж байсан бололтой.

Эрт урд цагт. Once upon a time. Үлгэр домог өөр өөрийнхөөрөө, тэгээд бас адилаар эхэлнэ. Холоос хол, алсын алсад. In a place far, far away. Хэзээ ч энд биш, үргэлж тэнд. Надаас хол, биднээс өмнө. Тэгэвч тэд үргэлж дэргэд. Харанхуй шөнө, үүрийн гэгээнээр. Үзэсгэлэнтэй бүхэн үлгэрт цэнхэр. Далай мэт. Тэнгис лугаа. Тэнгэр шиг. Хүн бүхний хүсэн дурладаг гүнжүүд эдгээр нүдээрээ намайг ширтэнэ. Номын хавтаснаас нэвт гөлөрнө. Би даанч яаж ойлгох билээ. Далай ч үзээгүй. Тэнгис ч хараагүй. Тэрийг ч танихгүй. Яриад байгаа, магтаад байгаа гоо сайхныг үл ойлгоно. Миний дурсамж хэзээ өнгөт болсныг мэдэхгүй. Бодохоор л хар цагаан. Нэг л өдөр улаан даашинз, шар үс, цагаан гутал. Цаг хугацаа өнгөрөх тусам нэг нэгээр нэмэгдэх өнгөт суваг шиг. Өдөр бүр нэг л хэвээр. Дурсамж болгон дээр, дээрээсээ давхарлаастай. Өнгийн цаас тавиад зурчихсан юм шиг ялгаа үгүй. Зөрөө гарахгүй болчихсон. Тэгээд би явав. Хаана байх нь чухал биш. Эндээс хол. Намтар минь ганцхан хуудаснаас бүтэхээс өөр газар. There I saw the s...

--- Би чамд хайртай гэж хэлээгүй биз дээ!? --- Тэгээд? --- Би чамайг хайрлана гэж ч амлаагүй!!! --- Тэгээд? --- Тийм юм бол чи яагаад надаас хайр нэхээд байгаан? --- Чи яагаад өгч болохгүй гэж? чамд өөр өгөх хүн байгаа юм уу? эсвэл өгчихсөн ч юм уу? --- Тийм байсан бол би чамтай цуг байхгүй байсан. --- Тийм бол намайг хайрлачхаж яагаад болохгүй байгаан? --- Би чамд үнэхээр сайн, өмнө хэн нэгэнд ингэж үнэн сэтгэлээсээ хандаж татагдаж байгаагүй гэдгээ хэлсэн шүү дээ. --- Тэгээд тийм л юм бол чи яагаад хайртай гэж хэлж чадахгүй байгаан? --- Юу яагаад гэж би хэдий чамд үнэхээр сайн ч гэсэн хайртай эсэхээ мэдэхгүй байна. --- Юу гэсэн үгийн? --- Би чамд хайртай гэсэн чинь худлаа байвал яахын. --- Хмм, хэн нэгэн надаас илүү чамд таалагдах юм бол чи намайг хаяад явна гэсэн үг үү? --- ... , Мэдкү --- Өөдгүй амьтан чи тэрэнтэйгээ яв за, би чамайг үзэн ядаж байна. --- Үгүй ээ байз л даа, надаа тийм хүн ерөөсөө байхгүй шүү дээ. --- Ганцааранг минь орхи муу гахай, эрчүүд та нар бүгдээрээ адилхан мэ...

Торрент тав зургаагаар нь татаад Сүлжээний урсгалыг ховх сорно Намуухан дуу зөөлхөн уянгалуулаад Интернэтээр хэсэн өдрийг барна. Хийдэг юм нь ном, кино татах Хэзээ ч уншихааргүй их ном Хатуу диск дүүрэн кино Ядуугийн зовлон цуглуулах л юм даа. Чат гэдгээс уйдаж цөхөөд Нуугдаж суугаад хүмүүсийг ажна Хэн юу гэж, хэзээ орж, хэзээ гарчийна гээд Цаг бүртгэлийн систем мэт гөлийнө. Тоглоомоос гараад удаж дээ, хөөрхий Донтож байсан үе дурсамж болоод хоцорч Тэр нэг нийтлэлээс болоод Тоглох гэдэг утгагүй болж. Ганцаардаад энэ төмөр эдэд Дурласан ч юм шиг Дассан ч юм шиг Донтчихсон ч юм шиг аймшигтай. _________________________________________ Songodog 23.11.2009 Арван гурван жилийн өмнө бичиж байсан юм байна. Тэгтэл үүнээс өөрчлөгдсөн юм гэж бараг алга. Унших ном, үзэх зүйлс ихсээд л байдаг. Дээр нь ажил дуусахгүй. Байдгаараа жамаараа л байгаад байх шиг байх юм даа. Арай өөр л байх хэрэгтэй байгаа юм. Ер нь бол царай нь хэвээрээ, нүүр нь үрчлээтэй л болж байх шиг байна хөөрхий.

Ажил, гэр амралт Амраг, эхнэр амлалт Айдас, зориг аз Бодол, хүсэл будилуу Болсон, болох бараан Болзоо, нөхөрлөл богино Ээлжлэх дурсамж жам Эргэх тавилан жим Эрчлээт амьдрал жул Алба, ахуй авцалдахгүй Авсан, аваагүй анзаарахгүй Аймхай, зүрх амсаргүй Бие, санаа салбагар Боломж, сургамж саарал Болзол, сээтэн салгар Элдэвт хорвоо алаг Ээнэг сэтгэл алс Энхрий заяа алиа

Гутал муут гурвын ард. Гутлаар нь угтаж, ухаанаар нь үднэ. Яасан хүмүүс болохоороо газар ширтэж явдаг юм бэ!? Би зүгээр хөлд эвтэйхэн гутлаа углаад гэлдэрч болдоггүй юм уу! Ядаж царай хар л даа. Цай ч үгүй гаруудын л үйлдэл бололтой. Эрт урд цагт хүн ард гэрт орохдоо хөлөөрөө эхэлж ороод бөгсөөрөө сүүлд гардаг байснаас болсон гэнэ. Ядуу ядарсан хүнийг дорд үзэж., тэнэг мулгуу нөхдийг араар нь муулдаг байсан бололтой. За гэхдээ ингэж ярьж сэтгэвэл амны бэлгээс авхуулаад ашдын бэлгэ цугаар алдагдах буй за. Сайхнаар сэтгэж, сайнаар ярьж явбаас буян хишиг дэлгэрч, бузар булай арилна хэмээн итгэж явбаас хувь заяа тэгширч, заяа тавилан жимбийнэ гэж ч юу байхав. Гэхдээ л ядаж өөр өөртөө шаналахгүй, шөнө тавтай дуг хийх биз ээ. Хэвшмэл хэлц үнэн байх албагүй. Худал байх ч шаардлагагүй. Зүгээр л нэг нь хэлээд нөгөө нь сонгоод. Цуурай болоод он цаг өнгөрөөсний илэрхийлэл юм болов уу? Тэгтэл орчин цагийн шинэ мэдээгээр Nike хүү шинэ гутал урлаад алсуур алсуур аядуухан холоо гүйдэг нэг нөхрийн ал...

Одоо л блогоо ахиж бага, багаар сэргээж байгаа ч гэсэн 2009-2014 оны хооронд их л идэвхтэй бичдэг байлаа. Тухайн үед хүмүүс нэлээд ордог байсан асуулт самбар дээр Songodog гэсэн нэрээр ордог байв. 2009 онд Хятадад байсан болохоор хэрэглэдэг байсан сайтуудад орох гэж ядаргаа залхуураад л асуултад орно. Тэгж явсаар овоо удав. Хэзээ гэдгийг нь мэдэхгүй. Тэндээсээ салаалаад blog.banjig, blog.gogo орж юм бичдэг болов. Одоо байгаа Hanper нэрээ ашиглана.  2015 онд Монголд эргэж ирээд ажил төрөл гэж явсаар байтал блог ч мартагдав. Бичих ч балартав. Нэг мэдсэн блогууд бүгд алга болчхож бичсэн, хөтөлсөн нэг ч юм үлдээгүй байх юм. Эргээж сэргээх арга ч алга бололтой гэж бодож байтал саяхан санамсаргүй тохиолдлоор хуучны зөөврийн хард диск дээр асуулт самбарынхаа блогийг хуулаад авчхаж. Тэрийг хальт гүйлгэж харж явтал доор бичсэн мөрүүд байх юм. Тэгээд л би бодлоо. Бүхэл бүтэн 13н жил өнгөрөөд байхад би адилхан л тэнд тэнд сэтгэл алдраад л яваад байгаа юм байна даа гэж. Хуучны зүйлс дурсамжтай...