Нохойн хоол & ...

Нохойн хоол

Цээж дүүрэн салхитай
Цэнгэг ус булагтай
Цэлгэр сайхан нутгаа
Цэдэн хүү санагалзана.

Мөнхийн ус хайгаад
Орхиод явсан эцгээ
Мөшгөж олно гээд
Өнчин эхээ орхиж

Эрээн тэнгэрт хотын
Бараа чиглэн одохдоо
Эргэж нэг харалгүй
Буруулан явсандаа харамсан,

Буурал ээжийнхээ энгэрт
Эрхэлж суухгүй юунд
Барaa сураггүй сүүдэр
Эрж хайснаа гайхна.
____________________________________

Hanper.

 
Чи миний хайртай хүн биш болчихсон!

Нэг л өглөө чи миний хайртай хүн биш болчихсон
Миний дурласан тэр л бүсгүй ор мөргүй алга болчихсон
Чи надаас <Би чамд хайртай> гэсэн биз дээ гэж асуусан
Тиймээ би түүнд хайртай байсан.
Чи намайг өөдгүй амьтан хэмээн хараасан
Хайртай бүсгүй минь чи биш хойно яалтай!?
Чи уйлаад битгий яваач гэсэн
Би <чи эргээд ирээч> гэж чамаас хэчнээн гуйлаа!?
Чи эргээд хэвэндээ орноо гэсэн
Ямар байснаа санаж байна уу? гэж би асуусан
Чи уйлаад толгой сэгсэрсэн
Тэрүүнээс хойшхыг би мэдэхгүй.

 

_____________________________

Hanper.

Өөр өөр хэлбэртэй шүлэг бичих гэж хичээнэ. Шүлэг гэхдээ дандаа хайр дурлалын тухай байгаад байх шиг. Тэр үед л шаналж цөхрөөд сэтгэл зүрхээ уудалдаг юм болов уу? Өөр өөр сэдвээр уран яруу бичдэг хүмүүст атаархана. Зүгээр л дадлага гэж өөрийгөө тайвшруулаад хааяа нэг бичнэ. Хүн уншаад дуртай ч байх юм билүү. Хэсэгхэн хугацаа зарцуулсандаа харамсахгүй байхад л болох байх даа. :)