Хоёр найзын хуримд уригдав. Гэрлэлт хосууд ч үзэсгэлэнтэй харагдаж байлаа. Найр дэлгэрч бүжиг эхлэх цагаар монгол дээлтэй хоёр ахмад талбай тойрон эргэв. Нүүрэндээ мишээлтэй тэр хоёр өөрийн эрхгүй сэтгэл сэргээв. Бүжиглэх гэдгийг жаргал болгож ашиглаад өтөл насандаа баясалтай буй нь надад халдаа биз ээ. Хундага нэг өргөв. Хоёр өргөв. Түүнээс цааш тоолсонгүй. За одоо больё доо гэж бодоод суулаа. Хөгжим чангарч хүмүүс хөл оров. Бүжгийн талбай он цагийн хэлхээс харуулна. Дээлтэй, хослолтой, даашинзтай хүмүүс зэрэгцэн бүжнэ. Намуун ая уянгална, хип хоп үгс урсана. Хүмүүсийн сэтгэл оргил дээрээ иржээ. Бялуу тарж амттай цаг дуусав. Тар гэж хэлэхгүй тэнгэрээс бороо шаагина.
Хүргэн, бэрийн талийнхан бүгд аз жаргалтай баярлана. Ураг холбож буй хүмүүс тул өөр хоорондоо дотносож буй нь тэр биз.
Би харин байснаараа ирээд байгаагаараа буцлаа. Магад танихгүй хүмүүс дээр очиж хундага өргөөд танил болох ёстой байсан юм шиг. Би өөрөө тийм талдаа хүн л дээ. Өөрөө танилцаж чаддаггүй. Хүн намайг танилцуулна эсвэл нөгөө хүн нь өөрөө эхлээд гар сунгана. Өөрийгөө би уйтгартай гэж боддог юм болов уу? Байдаг л нэг хүн болохоор миний амьдралаар бүгд амьдарчихсан юм шиг. Тийм учир надад нэмээд байх юм байхгүй. Архи уухгүй, тамхи татахгүй, гадуур бараг л гарахгүй. Тэгээд л нэг мод үндсээ ургуулаад тогтчихсон юм шиг. Тэр л газраа тогтоод хүмүүсийг ажиглах дуртай юм шиг. Дуртай юм болов уу? уйдсандаа юм биш байгаа!?
Залуу хундага өргөж дуу хөөртэй найрлана. Нэг нэгэндээ татагдаж буй хүмүүс бас ажиглагдана. Танилцаж чадсан юм болов уу, хөөрхийс. Өөрийгөө яая гэж байж хүний өмнөөс санаа зовоотой бас. Хурим дээр очоод хүмүүс юм, юм л боддог юм байх даа. Би л юм болохоор тэгсэн байж мэднэ. Нартай сайхан өдөр байснаа бороо орсон нь харамсалтай. Гадаа талбайд байсан хурим дотор танхимд шилжив. Аз жаргал дүүрэн байсан болохоор ялгаа нээх байсангүй. Тэнгэр харин мэхийн ёслоод бороон дусал бүрээр хундага өргөн аз жаргал хүсэв. Ерөөлөөр болог.
Сүйт бүсгүй баглаа цэцэг соёрхож нар өөд шидэв. Алгаа тосож байсан бүсгүйн дээрээс урт гар шүүрээд авчихлаа. Амраг хайртаа хүссэн юм болов уу? Авхаалж самбаагаараа сэтгэлт залуудаа сануулж буй юм болов уу? Ямар ч байсан нэг эмэгтэй хөөр баясал дүүрэн, нэлээд хэд нь жоохон гутранги суудал суудалдаа сууцгаав. Хөгжмийн аялгуу эргэн ирж, өлмий дээрээс нь өргөн гуниг бүрийг нь аван одлоо. Өнөөх мишээлт өвгөн өөр эгчтэй вальс эргэн өмнүүр нь нисээд өнгөрлөө.
Араасаа бодол дагуулаан инээмсэглээд одов. Би өөрөө хурим хиймээр байгаа юм болов уу? Сайн мэдэхгүй л юм. Гэхдээ хийвэл аймаар энгийн хийхийг хүснэ. Хамгийн дотно хүмүүс минь байхад болно. Тэгэвч ганц миний хүсэл биш болохоор худлаа л байх даа. Сүйт бүсгүй минь яах юм болдоо. Магад мянга, мянгаар нь хүн урина гэвэл яана. Хэзээ гэдэг нь мэдэгдэхгүй зүйлд өөрөө би шаналах дуртай юм шиг байгаа юм. Өөр хүн сонсвол айгаад зугтах биз. Тооцоотой няхуур хүн гээд хэн нэг нь дурлачих ч юм билүү.
Зун болоод тэр үү өдөр бүр хуримтай тааралдах боллоо. Цагаан даашинз, хар хослол нүдний өмнүүр жирэлзээд л өнгөрнө. Уул нь үерлээд байгаа болохоос бороо хуртай сайхан л зун болж байх шиг. Усны гутал авч өмсөх ёстой юм шиг байгаа юм. Өөрийн дураар туулахад ашигтай.
Бодоод байх нь ээ ковидоос болоод хуримд яваагүй удсан байгаа юм. Энэний өмнөх дээр нь өөрөө өвдөөд очиж чадаагүй. Тэр үед бас л нэг юм бодох байсан биз. Тэрнээс болоод хойшлуулсан байсан хүмүүс одоо нөхөж хийж байгаа болов уу гэж бодлоо. Ер нь хурим нөхөж хийдэг юм болов уу? Хийдэг л байх даа. Нөхцөл байдлаас болоод хийж чадаагүй хүмүүс элбэж дэлбэж хийж байгаад л ураг барилддаг биз ээ. Төрөл садандаа нэгнээ тунхаглан зарладаг биз.
Өдөр дуусаж хоног солигдоход л найр дуусав. Хүмүүс уван цуван харьцгаана. Халсан хүмүүс үргэлжлүүлэх тухай ярина. Би яахаа мэдэхгүй найзуудыгаа харан зогсоно. Нэг мэдэхэд нэг нэгээрээ алга болцгоожээ. Бороотой цуг урцгаасан бололтой. Хүнд дайгдан гэртээ ирэв. Түр амарсан бороо тэнхээ нэмэн эргээд ирлээ. Тэр хоёр сонсоогүй ч хуримдаа урьсанд нь талархаад аз жаргал хүссээр амарваа би.
Хүргэн, бэрийн талийнхан бүгд аз жаргалтай баярлана. Ураг холбож буй хүмүүс тул өөр хоорондоо дотносож буй нь тэр биз.
Би харин байснаараа ирээд байгаагаараа буцлаа. Магад танихгүй хүмүүс дээр очиж хундага өргөөд танил болох ёстой байсан юм шиг. Би өөрөө тийм талдаа хүн л дээ. Өөрөө танилцаж чаддаггүй. Хүн намайг танилцуулна эсвэл нөгөө хүн нь өөрөө эхлээд гар сунгана. Өөрийгөө би уйтгартай гэж боддог юм болов уу? Байдаг л нэг хүн болохоор миний амьдралаар бүгд амьдарчихсан юм шиг. Тийм учир надад нэмээд байх юм байхгүй. Архи уухгүй, тамхи татахгүй, гадуур бараг л гарахгүй. Тэгээд л нэг мод үндсээ ургуулаад тогтчихсон юм шиг. Тэр л газраа тогтоод хүмүүсийг ажиглах дуртай юм шиг. Дуртай юм болов уу? уйдсандаа юм биш байгаа!?
Залуу хундага өргөж дуу хөөртэй найрлана. Нэг нэгэндээ татагдаж буй хүмүүс бас ажиглагдана. Танилцаж чадсан юм болов уу, хөөрхийс. Өөрийгөө яая гэж байж хүний өмнөөс санаа зовоотой бас. Хурим дээр очоод хүмүүс юм, юм л боддог юм байх даа. Би л юм болохоор тэгсэн байж мэднэ. Нартай сайхан өдөр байснаа бороо орсон нь харамсалтай. Гадаа талбайд байсан хурим дотор танхимд шилжив. Аз жаргал дүүрэн байсан болохоор ялгаа нээх байсангүй. Тэнгэр харин мэхийн ёслоод бороон дусал бүрээр хундага өргөн аз жаргал хүсэв. Ерөөлөөр болог.
Сүйт бүсгүй баглаа цэцэг соёрхож нар өөд шидэв. Алгаа тосож байсан бүсгүйн дээрээс урт гар шүүрээд авчихлаа. Амраг хайртаа хүссэн юм болов уу? Авхаалж самбаагаараа сэтгэлт залуудаа сануулж буй юм болов уу? Ямар ч байсан нэг эмэгтэй хөөр баясал дүүрэн, нэлээд хэд нь жоохон гутранги суудал суудалдаа сууцгаав. Хөгжмийн аялгуу эргэн ирж, өлмий дээрээс нь өргөн гуниг бүрийг нь аван одлоо. Өнөөх мишээлт өвгөн өөр эгчтэй вальс эргэн өмнүүр нь нисээд өнгөрлөө.
Араасаа бодол дагуулаан инээмсэглээд одов. Би өөрөө хурим хиймээр байгаа юм болов уу? Сайн мэдэхгүй л юм. Гэхдээ хийвэл аймаар энгийн хийхийг хүснэ. Хамгийн дотно хүмүүс минь байхад болно. Тэгэвч ганц миний хүсэл биш болохоор худлаа л байх даа. Сүйт бүсгүй минь яах юм болдоо. Магад мянга, мянгаар нь хүн урина гэвэл яана. Хэзээ гэдэг нь мэдэгдэхгүй зүйлд өөрөө би шаналах дуртай юм шиг байгаа юм. Өөр хүн сонсвол айгаад зугтах биз. Тооцоотой няхуур хүн гээд хэн нэг нь дурлачих ч юм билүү.
Зун болоод тэр үү өдөр бүр хуримтай тааралдах боллоо. Цагаан даашинз, хар хослол нүдний өмнүүр жирэлзээд л өнгөрнө. Уул нь үерлээд байгаа болохоос бороо хуртай сайхан л зун болж байх шиг. Усны гутал авч өмсөх ёстой юм шиг байгаа юм. Өөрийн дураар туулахад ашигтай.
Бодоод байх нь ээ ковидоос болоод хуримд яваагүй удсан байгаа юм. Энэний өмнөх дээр нь өөрөө өвдөөд очиж чадаагүй. Тэр үед бас л нэг юм бодох байсан биз. Тэрнээс болоод хойшлуулсан байсан хүмүүс одоо нөхөж хийж байгаа болов уу гэж бодлоо. Ер нь хурим нөхөж хийдэг юм болов уу? Хийдэг л байх даа. Нөхцөл байдлаас болоод хийж чадаагүй хүмүүс элбэж дэлбэж хийж байгаад л ураг барилддаг биз ээ. Төрөл садандаа нэгнээ тунхаглан зарладаг биз.
Өдөр дуусаж хоног солигдоход л найр дуусав. Хүмүүс уван цуван харьцгаана. Халсан хүмүүс үргэлжлүүлэх тухай ярина. Би яахаа мэдэхгүй найзуудыгаа харан зогсоно. Нэг мэдэхэд нэг нэгээрээ алга болцгоожээ. Бороотой цуг урцгаасан бололтой. Хүнд дайгдан гэртээ ирэв. Түр амарсан бороо тэнхээ нэмэн эргээд ирлээ. Тэр хоёр сонсоогүй ч хуримдаа урьсанд нь талархаад аз жаргал хүссээр амарваа би.
Comments
Post a Comment