Эртээ урдын цагт нэг бяцхан гүнж байжээ. Нэг өдөр тэнгэрт хун шувуу нисэж байгааг хараад гүнж "Цагаахан хөөрхөн хун шувуу минь намайг аваад нисээч." гэж ээ. Тэгтэл хун шувуу ордон дээгүүр нь гурав эргэлдээд цонхон дээр нь суугаад хүний хэлээр "Үзэсгэлэнт гүнж минь би чамайг аваад нисэж болж байна. Гэхдээ тэгвэл чи нэг жил эргэж гэртээ ирж чадахгүй шүү." гэвэл гүнж "За" гээд ээж аавдаа захидал үлдээгээд хун шувууны нуруун дээр суун хөөрөн нисэж гэнэ.
Тэгээд нисээд л байж гэнэ. Ингэж нисэж явж байгаад нэгэн цэцэгт нуга дээгүүр нисэж өнгөрөхөд нь гүнж хунгаас "Цагаахан хун минь хоёулаа энэ цэцэгт нугаар дайраад гаръя тэгэх үү? цэцгүүд үзэсгэлэнтэй биш гэж үү?" хэмээн гуйхад нь хун "Би ч гэсэн амраад авъя даа." гээд нугад газарджээ.
Гүнж охин ийшээ ч нэг гүйгээд тийшээ ч нэг гүйгээд тоглож байтал гэнэт тас шувуу тэнгэр дээрээс шунхдан ирээд гүнжийг шүүрээд нисчихлээ. Гүнж "Цагаахан хун минь. цагаахан хун минь намайг авраач!" хэмээн нулимс дуслуулбал. Тас шувуу "Аяа! шувуунд дайсан үг олддоггүй. Шувуу дагасан хүн эргэдэггүй гэж үг мэдэхгүй юу! " гэсээр охиныг нэгэн уулын орой дээрх харанхуй ордонд авчирч гэнэ. Ордны онгорхой цонхоор орох үед тас шувуу нэгэн атигар өвгөн болж хувираад "Хаха, чи ингэж баригддаг юм би вий!!! чамайг би одоо эхнэрээ болгож авна даа!" гэхэд нь гүнж гайхан "Би дөнгөж 16 хүрж байгаа шүү дээ. Яаж чам шиг муухай атигар өвгөнтэй суудаг юм бэ!? " гэхэд өнөөх атигар өвгөн гараас нь чирэн авч яваад харанхуй өрөөнд оруулаад түгжчихэж гэнэ.
Гэтэл хун шувуу "Аяа!? алдрайхан хөөрхөн гүнж минь, чи хаана байна вэ? уянгалаг дуугаараа намайг дуудаач" хэмээн тас шувууны ордон дээгүүр эргэлдэн нисэж байлаа. Тэгтэл ордны хажуу ойгоос нь нэгэн хэрэм модны үзүүр дээр дэгдэн гараад хун шувуу өөд даллан дуудаад "Хун гуай, хун гуай. Та эндээс бушуухан явах тун! энэ бол атгаг санаатал Бөгдий шидтэний ордон." гэхэд хун "Би нэгэн гүнжийг эрж явна. үзсэн үү?" гэхэд хэрэм "Бөгдий шидтэн тас болж хувираад өглөө ниссэн. Тэгээд орой эргэж ирэхдээ нэг гүнжийг авчирсан. Би танд ороход тусалъя" хэмээн хунг дагуулан ордон руу хажуу сувгаар нь орлоо.
Тэгтэл хунг хүлэн байсан түүнд дурласан шуламсын хараал арилаад хун нэг залуухан, царайлаг баатар эр болон хувирав. Тэгээд хун байсан баатар маань "Би эргэн хэвдээ оров." хэмээн баярлаад бүсэн дэх илдээ суга татан ордон дахь дайсан бүхнээ даран дархан цолоо мандуулж хөөрхөн гүнжээ суллаад энэ нутагт эзэн суун амар сайхандаа жаргав гэнэ ээ.
--------------------------------------
Хүүхдийн үлгэр уншина уу та. Дандаа сонин сайхан уншина гэж юу байхав. :Д
Гоё үлгэр байна. 😇 Үлгэр дотор ороод амьдарчихдаг бол гоё байхгүй юу.
ReplyDelete