Зутруухан өнгөрсөн сүүлийн хэдэн долоо хоногоос болж бие болоод сэтгэл нь эцэстээ хүрээд туйлдаж ядарчээ, мал сүрэг нь ч гэсэн эзнээ даган уруудаж өдөр бүр хэд хэдээрээ толгой гудайлган оочсон чигээрээ өнгөрөх ажээ. Одоо энэ бүхнийг эргээд бодвол бүхий л зүйл өөрөөс нь болсон нь яах аргагүй үнэн гэж бодохоос байж сууж эс чадаад хий дэмий л гэр дотроо нааш цааш эргэлдэнэ. Төрсөн цагаасаа эхлээд эцгийн хамт амьдарсан боловч өнгөрсөн жил эцэг нь цаг бусаар тэнгэрийн оронд очсоноос хойш өөрөөс нь өөр хэн нэгэн хамаатан садан гэгдэж өөрийг нь халуун дулаан элгэндээ тэврээд тайтгаруулах хүн үгүй тул өдийг хүртэл ганцаар энэ ханхар таван ханатай гэрийг дүүргэхийг хичээн амьдарч ирсэн боловч эцэстээ энэ л мөчид хамаг итгэл найдвар нь оргүй хоосон болж яахаа эс ухан дэмий л өөрийгөө зүхнэ. Эцгийн гал голомтыг бадраан залгуулж чадахгүй ингээд бөхөөх нь гэсэн бодол тархинд нь цаг тутам, минут бүр шунхан орж ирэх болсноос болоод унтаж чадахгүй тарчлан хэн нэгэн эмэгтэйг зүгээр л эхнэрээ болгон эцгийн голомтыг залгах үрийн зулай үнэрлэхийг хүсэх болов. Эсвэл ганцаар байсаар байгаад орь ганцад эзэмдүүлж гуньж гутарч үхэхээсээ өмнө аврал нь байж магад гэсэн эцсийн энэ л замыг тэр даган явахыг туйлаас их хүсэж байвч яах ёстойгоо мэдэхгүй хий дэмий л бодол болон мөрөөдөх нь улам ядарсан сэтгэлд нь тээр болж эцэстээ эцэж цуцаад нойронд нам цохиулсан толгойд нь зүүдтэй хамт урган гарч ирээд хар даруулаад ч байх шиг, үгүй ч юм шиг мэдрэмж төрүүлэх нь тамлалтай.
Гэнэт нүдний өмнө эцэг нь үзэгдэж өнөөх л урдын адил цогтой халуун тэгсэн атлаа гүн харанхуй нүдээр цоо ширтсэнээ ойртон ирж толгойг нь илээд хөдөө талын эр ханхар цээжиндээ наахад нь өөрийн эрхгүй сэтгэл алдарч асгартал уйлж гарахад аав нь хоёр мөрнөөс нь атган биес холдуулаад зэмлэх шиг ширүүн харах ч нүднийх нь тэртэй гүнд нь хайр нь байхыг хүү бие сэтгэлээрээ мэдрэв. Эцэг нь ам ангайн үг хэлэх боловч авиа эс гарна тэгсэн атлаа бүхий л үгс нь сэтгэлд гүнээ мэдрэгдэх агаад "Хүү минь эр хүн долоо дордож найм сэхдийн. Өндийн босоод одоо амьдрал цогцлоон бүтээгээрэй. Эцэг чинь чамайг хүссэнээрээ амьдарч хүн болгохыг хүссэн болохоос бус элдэв дутуу юм чамаас хариу эс нэхэн өсгөсөн бөлгөө. Иймийн тул аз жаргалтай амьдраарай " гээд хий агаарт уусан алга боллоо. Энэ бүхэн эцэж ядарсан биеийн хий хоосон дэмийрэл, зүүд нойрны хэлтэрхий, мөрөөдөл хүслийн аль нь ч байж болох ч эцгийн халуун дулаан сэтгэл сэтгэлд нь одоо хүртэл мэдрэгдэн байх тул залуу өндийн босон гэрээс гарвал нар уулын цаанаас дөнгөж өлийн мандаж байхыг хараад ааваа би хүн шиг амьдарна аа, хүүдээ та итгээрэй хэмээн тэнгэр цууртал хашхираад шинэ амьдралд хөл тавин орлоо.
__________________________________
Hanper 2009.11.30
Гэнэт нүдний өмнө эцэг нь үзэгдэж өнөөх л урдын адил цогтой халуун тэгсэн атлаа гүн харанхуй нүдээр цоо ширтсэнээ ойртон ирж толгойг нь илээд хөдөө талын эр ханхар цээжиндээ наахад нь өөрийн эрхгүй сэтгэл алдарч асгартал уйлж гарахад аав нь хоёр мөрнөөс нь атган биес холдуулаад зэмлэх шиг ширүүн харах ч нүднийх нь тэртэй гүнд нь хайр нь байхыг хүү бие сэтгэлээрээ мэдрэв. Эцэг нь ам ангайн үг хэлэх боловч авиа эс гарна тэгсэн атлаа бүхий л үгс нь сэтгэлд гүнээ мэдрэгдэх агаад "Хүү минь эр хүн долоо дордож найм сэхдийн. Өндийн босоод одоо амьдрал цогцлоон бүтээгээрэй. Эцэг чинь чамайг хүссэнээрээ амьдарч хүн болгохыг хүссэн болохоос бус элдэв дутуу юм чамаас хариу эс нэхэн өсгөсөн бөлгөө. Иймийн тул аз жаргалтай амьдраарай " гээд хий агаарт уусан алга боллоо. Энэ бүхэн эцэж ядарсан биеийн хий хоосон дэмийрэл, зүүд нойрны хэлтэрхий, мөрөөдөл хүслийн аль нь ч байж болох ч эцгийн халуун дулаан сэтгэл сэтгэлд нь одоо хүртэл мэдрэгдэн байх тул залуу өндийн босон гэрээс гарвал нар уулын цаанаас дөнгөж өлийн мандаж байхыг хараад ааваа би хүн шиг амьдарна аа, хүүдээ та итгээрэй хэмээн тэнгэр цууртал хашхираад шинэ амьдралд хөл тавин орлоо.
__________________________________
Hanper 2009.11.30
Comments
Post a Comment