Чи ав & Харандаа, Баллуур

Сүүлийн үед арай их шүлэг оруулаад байна уу даа би? Яруу найрагч болох гэж байгаа юм байх даа. :Д

Ажил их болохоор засахад арай цаг бага ордог гээд тэр юм болов уу? Гэхдээ өмнө хэлсэн шиг хуучин бичлэгүүдээ олсон гэж байсан тэднүүсийгээ засаад оруулаад байвал болох юм шиг. Тэгэхээр одоо байгаа би хэтэрхий ихээр дурсамждаа олзлогдох байх даа. Тийм болохоор сэтгэлийн аясаа дагуулаад л энэ хэвээрээ явахаас. Хэлмээр байгаа зүйлсээр бялхаад ирэхээрээ л шинийг бичээд. Гэхдээ шинэ ч бай хуучин ч бай би байхдаа гэж бодохоор би хэр их өөрчлөгдсөн юм болдоо гэсэн бодол төрнө. Өөрчлөгдсөн байх юм бол харамсалтай ч юм шиг. Тэгсэн атлаа нэг л хэвээрээ байгаад байсан бол утгагүй ч юм шиг. Хүн зарим зүйл дээрээ бат бэх зогсож. Буруу зүйлсээ ухааран тунгаагаад, болохгүй байгаа юмсаа засаж залруулах хэрэгтэй юм болов уу?

Үг хаяж, сургаал айлдаа өвгөрч байна даа би. Саяхан нэг ширхэг цагаан сахал харсан. Арай ч тийм биш байлтайсан даа. Одоо удахгүй дөч дөхөөд ирлээ. Юу л болоод байна даа энэ цаг хугацаанд. Надыг арай хурдан явуулаад байгаа юм биш үү. Амьсгаа авах цаг надад өгөөч гээл үү. :p  

За тийм болохоор одоо та нар шүлгээ унш даа.

 

Чи ав

Надаа зүрх минь хэрэггүй
Чи ав!
Чамайг хайрлахад зүрх минь
Шаардлагагүй!
Эд эс бүхэн минь
Чам уруу тэмүүлнэ.
Энэ бүхэнг ерөөсөө
Чи бүгдийн ав!

Надад харин зүрхнээсээ
Хэсэгхэнийг өгөөрэй!
Сүнс минь хоргодох орон зай
Тэр болог!
Ерөөсөө сүнсийг минь хүртэл
Чи ав!
Надад юу ч хэрэггүй
Бүхнийг минь чи ав!


Харандаа, Баллуур

Харандаа, баллуур анд минь байтал
Харандаа маань хугарчихлаа
Үзүүрлэе хэмээн
Үзүүрлэгчээ эрээд, эрээд олсонгүй
Хутга барин дайртал
Хайр найргүй хяргаснаас
Хэд, хэд хугалав
Хөөрхий одоо зомгол л үлдэж.
Баллуур минь ганцаараа хоцорсон ч
Би илүү ганцаардана
Баллуураа цэвэрлэн
Баахан үртэл
Балай юм болж
Баллуур маань элэгдээд тасарчхав.
Баллуур ч үгүй, харандаа ч үгүй
Би ганцаараа хөөрхий.

___________________________________

Hanper
шүлэг нь: 2010 оны 04-р сарын 19