Унтахаар хэвтэж байтал гадаа хоёр хүн хэрэлдэх нь сонсогдов. Хэрэгт дурлан өнгийвөл түнэр харанхуйд үзэгдэх бараа байсангүй. Санаа зовсондоо орондоо эргэж оров. Тэгтэл "Ээжээ та битгий яваа ч" гэж жоохон хүүхдийн дуу цуурайтдаг юм байна. Унтах хүсэл үгүй болоод хоолой дээр хүн дараад суучих шиг. Ээж нь, аав нь, хүүхэд гурвуулаа нүүдлийн шууд шиг одчихоод ахиж юу ч дуугарсангүй.
Амар амгалан минь алдагдчихлаа. Муухай юм үзэхгүй, дуулахгүй гээд зурагт үздэггүй, мэдээ хардаггүй намайг бодит амьдрал алгадаж буй нь энэ. Тэглээ гээд гомдоллох хэцүү. Үнэхээр өнөөх жаал өнчирч буй бол миний нэг өдрийн нойр юухан байх билээ. Магадгүй ээж нь явахгүй бол сарын нойроо өгсөн ч яах вэ. Тэгтэл сарын дараа яах юм бол. Миний нойроор торгоогдож байсан айл гэрийн холбоо тасраад явчих байх даа. Эрэгтэйн буруу, эмэгтэйн буруу аль ч байж болно. Аль, аль нь буруугүй атлаа нөхцөл байдал тэгээд таарсан ч байж болох. Харин жаал хүүгийн буруу байгаа болов уу? Магадлалаас бол ихээхэн бага байх даа.
Магадгүй би буруу сонсоод хэтэрхий муухайгаар сэтгэж байж болох юм. Аав, ээж нь гадаад явж ажиллах гээд хүүхдээ өвөө, эмээ дээр нь орхиж байгаа ч юм билүү. Тэгэвч энэ бодолдоо би өөрөө итгэхгүй. Зүгээр хэвтэж байгаад зүүрмэглэсэн ч байж мэдэх. Одоо бодоод байх нь ээ тэгснээс гарцаагүй. Эс бөгөөс жаал хүү эхэр татан уйлах байсан биш гэж үү? Аль эсвэл эр хүн уйлдаггүй юм гээд нулимсаа татаж чангаагаад эхийнхээ хормойноос зууран зогсож байж ч болох. Тэгэвч тэр эмэгтэй замхраад одох нь гарцаагүй биз ээ. Ганц эцэг архинд ороод ганган хүүхэн хөөгөөд өнчин хүүгээ умартчихгүй бол бас ч гэж учиртай буй за. Магад залуу том болоод аз жаргалтай гэр бүлээ бүтээх буй.
Зүүдэлсэн, зөгнөсөн аль нь болохоо мэдэхгүй би хэсэг зуур тааз ширтэн хэвтэв. Унтах янз үгүй байсанд орноос өндийн компьютерын ард ийнхүү сууна. Нойр нь эс хүрэх та уншаад надын адил гуниглах биз ээ. Тийм бол өршөөнө биз намайг. Өөрийг минь хараалгүй өнөөх жаал хар дарж байгаасай хэмээн хүсээрэй.
Амралтын өдрүүд нэг л мэдэхэд нарлаад дуусчихлаа. Зун дуусах гээд байна гэсэн шиг нар нөөсөн илчээрээ биднийг ээнэ. Хагас жилийн тайлангаа гаргахын тулд илүүдэл дулаанаа цацна. Бид энд нь хатаж үхэх гээд гандаж явах юм. Дэлхий дулаараад байгаа гэдгийг нар та мэддэг болов уу? Тэртээ доор байсан жаал шиг л хүн төрөлхтөн харагддаг байх даа. Хэрүүл дунд, зодоон дотор ийм л байдаг юм байх даа гэж бодож өссөөр явах цагт нь гар сарвайн ихэр татаад л. Арай эрт эр хүн болох хэрэгтэй болж дээ дүү минь. Тэнгэрт үл харагдах одод би хар дарсан байгаасай гэж хүслээ шивнээд зүүд нойрондоо дарагдийдаа.
Амар амгалан минь алдагдчихлаа. Муухай юм үзэхгүй, дуулахгүй гээд зурагт үздэггүй, мэдээ хардаггүй намайг бодит амьдрал алгадаж буй нь энэ. Тэглээ гээд гомдоллох хэцүү. Үнэхээр өнөөх жаал өнчирч буй бол миний нэг өдрийн нойр юухан байх билээ. Магадгүй ээж нь явахгүй бол сарын нойроо өгсөн ч яах вэ. Тэгтэл сарын дараа яах юм бол. Миний нойроор торгоогдож байсан айл гэрийн холбоо тасраад явчих байх даа. Эрэгтэйн буруу, эмэгтэйн буруу аль ч байж болно. Аль, аль нь буруугүй атлаа нөхцөл байдал тэгээд таарсан ч байж болох. Харин жаал хүүгийн буруу байгаа болов уу? Магадлалаас бол ихээхэн бага байх даа.
Магадгүй би буруу сонсоод хэтэрхий муухайгаар сэтгэж байж болох юм. Аав, ээж нь гадаад явж ажиллах гээд хүүхдээ өвөө, эмээ дээр нь орхиж байгаа ч юм билүү. Тэгэвч энэ бодолдоо би өөрөө итгэхгүй. Зүгээр хэвтэж байгаад зүүрмэглэсэн ч байж мэдэх. Одоо бодоод байх нь ээ тэгснээс гарцаагүй. Эс бөгөөс жаал хүү эхэр татан уйлах байсан биш гэж үү? Аль эсвэл эр хүн уйлдаггүй юм гээд нулимсаа татаж чангаагаад эхийнхээ хормойноос зууран зогсож байж ч болох. Тэгэвч тэр эмэгтэй замхраад одох нь гарцаагүй биз ээ. Ганц эцэг архинд ороод ганган хүүхэн хөөгөөд өнчин хүүгээ умартчихгүй бол бас ч гэж учиртай буй за. Магад залуу том болоод аз жаргалтай гэр бүлээ бүтээх буй.
Зүүдэлсэн, зөгнөсөн аль нь болохоо мэдэхгүй би хэсэг зуур тааз ширтэн хэвтэв. Унтах янз үгүй байсанд орноос өндийн компьютерын ард ийнхүү сууна. Нойр нь эс хүрэх та уншаад надын адил гуниглах биз ээ. Тийм бол өршөөнө биз намайг. Өөрийг минь хараалгүй өнөөх жаал хар дарж байгаасай хэмээн хүсээрэй.
Амралтын өдрүүд нэг л мэдэхэд нарлаад дуусчихлаа. Зун дуусах гээд байна гэсэн шиг нар нөөсөн илчээрээ биднийг ээнэ. Хагас жилийн тайлангаа гаргахын тулд илүүдэл дулаанаа цацна. Бид энд нь хатаж үхэх гээд гандаж явах юм. Дэлхий дулаараад байгаа гэдгийг нар та мэддэг болов уу? Тэртээ доор байсан жаал шиг л хүн төрөлхтөн харагддаг байх даа. Хэрүүл дунд, зодоон дотор ийм л байдаг юм байх даа гэж бодож өссөөр явах цагт нь гар сарвайн ихэр татаад л. Арай эрт эр хүн болох хэрэгтэй болж дээ дүү минь. Тэнгэрт үл харагдах одод би хар дарсан байгаасай гэж хүслээ шивнээд зүүд нойрондоо дарагдийдаа.
Comments
Post a Comment