Үлгэр ярьдаг өвгөн юу боддог юм бол гэсэн хачирхалтай сэдэл төрөв. Өвөөгөөс асуух гэсэн боловч зүрх хүрсэнгүй. Хуурч тэр өвөөгийн харц нэг л гунигтай харагдана. Он цагийн эрхэнд оч нь буусан тэр нүднээс хааяа нэг гэрэл цацарна. Нэг үдэш үлгэрийн дараа зориг гаргасаар үлгэрч өвөө дээр очлоо. Өвөр дээр нь эрхэлж гарчхаад сахлаас нь зулгаан асуув.
Өвөө та юу бодно вэ?
Өвөө үг дуугарсангүй. Зулайг минь үнэрлэчхээд газар буулгав. Муухан жуумалзах инээмсэглэлээс нь он цагийн үнэр ханхална. Тэр л мөчид үлгэрч өвөө хүүхэд насаа алдчихсандаа ийнхүү гуниглан суудаг юм байна хэмээн бодлоо. Маргааш нь цэцэрлэг даяар найзуудаа цуглуулан үлгэрч өвөөгийн хүүхэд насыг олох гарамгай баатарлаг төлөвлөгөөгөө танилцуулав. Анд найзууд маань ч уухайн тас зөвшөөрлөө. Улаан өнгөтэй уралдааны машин, Ганц гарт бор бамбарууш, Галзуу шар анааш гурав унтлагын цагаар багш нарыг саатуулан, Номхон зогсох цэрэг намайг сэрээн доод давхарт уулзахаар зөвшилцөв. Төлөвлөгөө ёсоороо явж байлаа. Би унтсан мэт жүжиглэн хөнжил дотроо цаг тоолон хэвтэнэ. Номхон зогсох цэрэг халааснаас минь мөлхөн гарч ирлээ. Миний зугтах цаг ирснийг мэдэв. Сэмээрхэн хөнжлөөсөө гулссаар шалаар нэг мөлхөн хаалга зүглэв. Улаан өнгөтэй уралдааны машин, Ганц гарт бор бамбарууш, Галзуу шар анааш даалгавраа чадамгай биелүүлжээ. Нойлын өрөөг усанд автуулах тэр гурвын арга гарцаагүй хэрэгжиж байв. Нэг ч багш намайг харсангүй. Тэндээс сэмээр гэтсээр Номхон зогсох цэрэг бид хоёр нэг давхарт ирлээ. Жижүүр ах байхгүй байгаасай гэсэн хүслийг минь сахиус минь биелүүлсэн тул талархлаа илэрхийлэн тарниа уншив. Ум базар вааний хум, хум маамаа бизъя суухаа. Үүдний хаалгыг онгойлгов. Цас нүүр нүдгүй шуурна. Үлгэрч өвөөгийн хүүхэд насыг авсан Цасан хатан гарцаагүй намайг саатуулах гэж оролдож байна гэж мэдсэн Номхон зогсох цэрэг бид хоёр хувцсаа өмсөж ороолтоо чангаа гэгч нь уяад гарч одов.
Болжмор хөл доор минь жиргэнэ. Үлгэрч өвөөгийн хүүхэд нас энд байгаа хэмээн шулганаад байх шиг санагдана. Цэрэг анд ч надтай санал нэг байлаа. Хөөрхий болжмор надад тусалсан хэргээр Цасан хатанд баригдаад маргаашаас нь харагдахаа больсондоо. Тэндээс болжморын хэлсэн зүгт гүйв. Гүйв тусам Цасан хатан улам уурлан, улам ихээр цас шуургаа илгээнэ. Тэгтэл хажуугаас чоно улих дуулдаж эхэллээ. Цасан хатан өөрийнхөө цөөвөр чононуудыг илгээж буй нь гарцаагүй. Ингэнэ гэж бодоогүй байсан цэрэг бид хоёр сандарсандаа зүг буруулан зугтав. Гүйсээр арай хийн цасан хатны цөөвөр чононуудаас амь гарлаа. Эргэн тойрон цав цагаан цас гялтганана. Магадгүй цасан хатны газар нутгаас гарсан болоод цас орохоо больсон бололтой. Гадаа харанхуй болж эхэлжээ. Төөрч явсаар дэлхийн хязгаар Шөнө хааны нутагт ороод ирсэн бололтой. Үнэндээ яахаа мэдэхээ байсан би сандарч эхэллээ. Хөөрхий үлгэрч өвөөгийн хүүхэд насыг аварч чадахгүй болов. Түүнээс гадна Шөнө хаан хэчнээн ууртай болохыг ээж минь хэчнээн их надад захин хэллээ. Гэвч би ганцаараа биш тул зориг минь мохох болоогүй байв. Номхон зогсох цэрэг найзаа халааснаасаа гарган газар асуух гэтэл тэр байсангүй. Хөөрхий цэрэг андыг минь Цасан хатны боохой нар олзлон авчээ. Түүнийг Цасан хатан магадгүй үлгэрч өвөөгийн хүүхэд насны хамтаар гяндандаа түгжээ биз ээ. Ингээд орь ганцаар хоцорсон би айж эхэллээ.
Зоригт баатар болох нас минь болоогүй гэдэгтээ итгэж эхлэв. Нүднээс минь нулимс урсан, хацрыг минь урна. Азаар Шөнийн хааны нутгаар явсан өвгөн баатар намайг олов. Уйлахыг минь үзээд шинэхэн баатар гэдгийг минь мэдсэн өвгөн баатар намайг аргадан эх нутагт минь хүргэн ирэв. Тэр орой аав ээждээ мөн ч их загнуулж билээ. Дараа нь гурван өдөр халуурч хэвтсэн сэн. Шөнийн хааны хараал хүрсэн нь гарцаагүй. Ээжийнхээ үгэнд орж түүнээс холхон л байх байсан юм. Хэрвээ Цасан хатан цөөвөр чононуудаа илгээгээгүй бол!
Ингээд зүгээр болсон хойноо цэцэрлэгтээ очив. Үлгэрч өвөөгийн өмнө сөхрөөд хүүхэд насыг нь аварч чадаагүйдээ уучлал гуйлаа. Үлгэрч өвөө намайг харж инээмсэглээд. Зүгээрээ би хүүхэд насаа та нараас авдаг юм хэмээн хэлэв. Түүнээс хойш Улаан өнгөтэй уралдааны машин, Ганц гарт бор бамбарууш, Галзуу шар анааш бид дөрөв түүний алхам бүрийг нягтлан харах болов. Тэр хэний туршуул болчхоод бид нарын хүүхэд наснаас хулгайлна вэ?Магадгүй Цасан хатан үлгэрч өвөөгийн зүрх сэтгэлийг олзолчхоод түүгээр дамжуулан хүүхдүүд бид нарын хүүхэд наснаас хулгайлан үүрд мөнхөд амьдардаг юм байх даа. Том болж баатар эр болохоороо Номхон зогсох цэрэг чамайгаа заавал бид аварна аа.
_______________________________
Hanper.
Хэрвээ амьдрал үнэхээр ийм бол яана аа ^^
Сайхан даа :Д
2012 оны 11-р сарын 21
Өвөө та юу бодно вэ?
Өвөө үг дуугарсангүй. Зулайг минь үнэрлэчхээд газар буулгав. Муухан жуумалзах инээмсэглэлээс нь он цагийн үнэр ханхална. Тэр л мөчид үлгэрч өвөө хүүхэд насаа алдчихсандаа ийнхүү гуниглан суудаг юм байна хэмээн бодлоо. Маргааш нь цэцэрлэг даяар найзуудаа цуглуулан үлгэрч өвөөгийн хүүхэд насыг олох гарамгай баатарлаг төлөвлөгөөгөө танилцуулав. Анд найзууд маань ч уухайн тас зөвшөөрлөө. Улаан өнгөтэй уралдааны машин, Ганц гарт бор бамбарууш, Галзуу шар анааш гурав унтлагын цагаар багш нарыг саатуулан, Номхон зогсох цэрэг намайг сэрээн доод давхарт уулзахаар зөвшилцөв. Төлөвлөгөө ёсоороо явж байлаа. Би унтсан мэт жүжиглэн хөнжил дотроо цаг тоолон хэвтэнэ. Номхон зогсох цэрэг халааснаас минь мөлхөн гарч ирлээ. Миний зугтах цаг ирснийг мэдэв. Сэмээрхэн хөнжлөөсөө гулссаар шалаар нэг мөлхөн хаалга зүглэв. Улаан өнгөтэй уралдааны машин, Ганц гарт бор бамбарууш, Галзуу шар анааш даалгавраа чадамгай биелүүлжээ. Нойлын өрөөг усанд автуулах тэр гурвын арга гарцаагүй хэрэгжиж байв. Нэг ч багш намайг харсангүй. Тэндээс сэмээр гэтсээр Номхон зогсох цэрэг бид хоёр нэг давхарт ирлээ. Жижүүр ах байхгүй байгаасай гэсэн хүслийг минь сахиус минь биелүүлсэн тул талархлаа илэрхийлэн тарниа уншив. Ум базар вааний хум, хум маамаа бизъя суухаа. Үүдний хаалгыг онгойлгов. Цас нүүр нүдгүй шуурна. Үлгэрч өвөөгийн хүүхэд насыг авсан Цасан хатан гарцаагүй намайг саатуулах гэж оролдож байна гэж мэдсэн Номхон зогсох цэрэг бид хоёр хувцсаа өмсөж ороолтоо чангаа гэгч нь уяад гарч одов.
Болжмор хөл доор минь жиргэнэ. Үлгэрч өвөөгийн хүүхэд нас энд байгаа хэмээн шулганаад байх шиг санагдана. Цэрэг анд ч надтай санал нэг байлаа. Хөөрхий болжмор надад тусалсан хэргээр Цасан хатанд баригдаад маргаашаас нь харагдахаа больсондоо. Тэндээс болжморын хэлсэн зүгт гүйв. Гүйв тусам Цасан хатан улам уурлан, улам ихээр цас шуургаа илгээнэ. Тэгтэл хажуугаас чоно улих дуулдаж эхэллээ. Цасан хатан өөрийнхөө цөөвөр чононуудыг илгээж буй нь гарцаагүй. Ингэнэ гэж бодоогүй байсан цэрэг бид хоёр сандарсандаа зүг буруулан зугтав. Гүйсээр арай хийн цасан хатны цөөвөр чононуудаас амь гарлаа. Эргэн тойрон цав цагаан цас гялтганана. Магадгүй цасан хатны газар нутгаас гарсан болоод цас орохоо больсон бололтой. Гадаа харанхуй болж эхэлжээ. Төөрч явсаар дэлхийн хязгаар Шөнө хааны нутагт ороод ирсэн бололтой. Үнэндээ яахаа мэдэхээ байсан би сандарч эхэллээ. Хөөрхий үлгэрч өвөөгийн хүүхэд насыг аварч чадахгүй болов. Түүнээс гадна Шөнө хаан хэчнээн ууртай болохыг ээж минь хэчнээн их надад захин хэллээ. Гэвч би ганцаараа биш тул зориг минь мохох болоогүй байв. Номхон зогсох цэрэг найзаа халааснаасаа гарган газар асуух гэтэл тэр байсангүй. Хөөрхий цэрэг андыг минь Цасан хатны боохой нар олзлон авчээ. Түүнийг Цасан хатан магадгүй үлгэрч өвөөгийн хүүхэд насны хамтаар гяндандаа түгжээ биз ээ. Ингээд орь ганцаар хоцорсон би айж эхэллээ.
Зоригт баатар болох нас минь болоогүй гэдэгтээ итгэж эхлэв. Нүднээс минь нулимс урсан, хацрыг минь урна. Азаар Шөнийн хааны нутгаар явсан өвгөн баатар намайг олов. Уйлахыг минь үзээд шинэхэн баатар гэдгийг минь мэдсэн өвгөн баатар намайг аргадан эх нутагт минь хүргэн ирэв. Тэр орой аав ээждээ мөн ч их загнуулж билээ. Дараа нь гурван өдөр халуурч хэвтсэн сэн. Шөнийн хааны хараал хүрсэн нь гарцаагүй. Ээжийнхээ үгэнд орж түүнээс холхон л байх байсан юм. Хэрвээ Цасан хатан цөөвөр чононуудаа илгээгээгүй бол!
Ингээд зүгээр болсон хойноо цэцэрлэгтээ очив. Үлгэрч өвөөгийн өмнө сөхрөөд хүүхэд насыг нь аварч чадаагүйдээ уучлал гуйлаа. Үлгэрч өвөө намайг харж инээмсэглээд. Зүгээрээ би хүүхэд насаа та нараас авдаг юм хэмээн хэлэв. Түүнээс хойш Улаан өнгөтэй уралдааны машин, Ганц гарт бор бамбарууш, Галзуу шар анааш бид дөрөв түүний алхам бүрийг нягтлан харах болов. Тэр хэний туршуул болчхоод бид нарын хүүхэд наснаас хулгайлна вэ?Магадгүй Цасан хатан үлгэрч өвөөгийн зүрх сэтгэлийг олзолчхоод түүгээр дамжуулан хүүхдүүд бид нарын хүүхэд наснаас хулгайлан үүрд мөнхөд амьдардаг юм байх даа. Том болж баатар эр болохоороо Номхон зогсох цэрэг чамайгаа заавал бид аварна аа.
_______________________________
Hanper.
Хэрвээ амьдрал үнэхээр ийм бол яана аа ^^
Сайхан даа :Д
2012 оны 11-р сарын 21
Comments
Post a Comment